Verse 1
ဖဲကစၢၢ်ဖါသူကဒုဖီလာ်
ပဒိၣ်ထီၣ်သကိးနၤဒီးယၤ
ဖဲသူမှဲထံကျိဖိလီၤယွၤ
ပအီသကိးခံဂၤ
Verse 2
ဖဲကျိၣ်ကွဲၤသီၣ်ထီၣ်ဝဲအခါ
နၤဒီးယၤပသူၣ်ပိၢ်သးဝး
ပမ့ၢ်ဝဲတသွံၣ်ဃီတညၣ်ဃီ
ပမ့ၢ်စ့ၢ်ကီးကညီဖိဒ်သိးသိး
Pre-chorus
ခဲအံၤနသုးယံၤသးဒီးနလုၢ်လၢ်ထူသနူ
ဖဲလါခူးကံၢ်စုယအိၣ်ခိးနၤ
ကကံၢ်သကိးစုဒီးနၤ
နမ့ၢ်ညိကွံာ်နတၢ်ဆဲးလၤ
နလုၢ်လၢ်မ့ၢ်လီၤမၢ်
နကလုာ်ကဟါမၢ်
မိၢ်ပၢ်ဖံဖုလၢပျၢၤပာ်တ့ၢ်ပာ်
လါခူးကံၢ်စုကညီတၢ်န့ၢ်သါ
Verse 3
မုၢ်တနံၤနဖိလံၤမ့ၢ်သံကွၢ်
ဘၣ်ဃးဒီးကညီတၢ်ဆဲးတၢ်လၤ
ကသ့တုၤလၢနကဂှဲပၠးတဲပၠး
တၢ်စံၣ်စိၤဖိအိၣ်တ့ၢ်ကသ့ဧါ
Chorus
လုၢ်ဝါဖိလၢယစုလိၤခဲအံၤ
တဘၣ်ထွဲဒီးတၢ်စူၢ်တၢ်နာ်
အတၢ်တြီဃာ်ဘၣ်
မ့ၢ်ဝဲဒၣ်လုၣ်ဝါစီဆှံ
မ့ၢ်စ့ၢ်ကီးတၢ်အဲၣ်တၢ်ကွံ
တၢ်ပနီၣ်ဖိလၢကညီခဲလၢာ်ကျါ