Verse 1
တနၤဖဲလါဖိဆဲးကပီၤလီၤ ဆ့ၣ်နီၤယဲထဲတဂၤ
သ့ၣ်နီၣ်ဘၣ်က့ၤယဲလၢနၤ ကလံၤဖိဟဲဘၣ်ယၤမၤမုာ်ဝဲယသးဖိ
ဘၣ်ဆၣ်တၢ်သယုၢ်တလီၤမၢ်
ကွၢ်လီၤနဂီၤဖိလၢအဃံလၤ အဲၣ်ဒိးဆ့ၣ်နီၤအိၣ်ဘူးဘၣ်ယဲဒၣ်လၢနကပၤ
မဲာ်ထံဖိလီၤယွၤ ထဲတဂၤဟီၣ်ခူသူၣ် ဘၣ်ယိာ်ပှၤအဂၤကထံၣ်ယၤ
Chorus
ခဲအံၤ မ့ၢ်နမၤနဲဒ်လဲၣ် မ့ၢ်နအိၣ်မုာ်စ့ၢ်ဧါ
ယသးဖိအံၤ ကိၢ်တၢ်လၢနဂီၢ် ထီဘိထုကဖၣ်နဂီၢ်
ယဆၢဂ့ၤဆၢဝါဘၣ်ယဲနၤ အိၣ်ဆူၣ်ချ့ပှဲၤတၢ်ဂံၢ်ဘါ
မ့ၢ်အိၣ်ယံၤယဲဒၣ်ဒီးနၤဘၣ်ဆၣ် ယအဲၣ်နၤဒိၣ်လၢယသး
Verse 2
ခဲယဲအံၤယမ့ၢ်အိၣ်ဘူးယဲဒီးနၤ ကဟံးဃာ်နစုဖိ
ဒီးဖိးဃုဃာ်နၤကျၢၤကျၢၤ
ဘၣ်ဆၣ်တၢ်ခဲလၢာ်တမ့ၢ်ဒ်ယဆိမိၣ်
ခဲအံၤဘၣ်အိၣ်ယဲထဲတဂၤ
ကွၢ်လီၤနဂီၤဖိလၢအဃံလၤ အဲၣ်ဒိးဆ့ၣ်နီၤအိၣ်ဘူးဘၣ်ယဲဒၣ်လၢနကပၤ
မဲာ်ထံဖိလီၤယွၤ ထဲတဂၤဟီၣ်ခူသူၣ် ဘၣ်ယိာ်ပှၤအဂၤကထံၣ်ယၤ