Verse 1
ယသးသမူအကဘီဖိဘၣ်လဲၤတၢ်လၢပီၣ်လဲၣ်ယိာ်
မ့တမ့ၢ်လၢခရံာ်ကစၢ်ကဲန့ၢ်ယကဘီခိၣ်
လၢကလံၤမုၢ်သီၣ်ဂီၤဒိၣ်လၢလပီစံၣ်စုာ်ဖီခိၣ်
ယသးသမူအကဘီဖိကအိၣ်ၦဲၤဒီးတၢ်ဘၣ်ယိၣ်
Verse 2
ဖဲတစိၢ်ဖိလၢဟီၣ်ခိၣ်ဘၣ်အိၣ်မူဒီးလဲၤခီဖျိ
မ့ၢ်ဒၣ်ယွၤဘျုးယွၤအဲၣ်ဒိၣ်ယွၤတၢ်သးကညီၤဃိ
တၢ်အီၣ်အီဒီးတၢ်ကူသိးကအိၣ်ဆိးဂီၢ်ယဟံၣ်ဖိ
တၢ်ခဲလၢာ်လၢအိၣ်ဒီးယၤမ့ၢ်ယွၤအတၢ်ဟ့ၣ်ယၤ
Pre-Chorus
လၢယတၢ်အိၣ်မူအပူၤမ့တမ့ၢ်လၢယွၤ
ထဲတစိၢ်ဖိယလဲၤခီဖျိတန့ၢ်ဘၣ်
ယမ့ၢ်ယဲဒၣ်ဟီၣ်ခိၣ်ယဂံၢ်ယဘါတအိၣ်
မ့တမ့ၢ်လၢယွၤဟ့ၣ်ယၤ
Chorus
ယွၤမ့ၢ်ယတၢ်ပူၤဖျဲးအလီၢ်
ယွၤမ့ၢ်ၦၤကွၢ်သိဂ့ၤယဂီၢ်
လၢတၢ်သံကစၢၢ်ကဆူး
ယပျံၤတၢ်အလီၢ်တအိၣ်
လၢယတၢ်အိၣ်မူအပူၤ
ဟ့ၣ်သါယၤတၢ်လၢကြၢးဒီးယၤ
လၢယတၢ်အိၣ်မူခါဆူညါကသ့ဒံးဧါ